Cussìgiu sardu. S'ispetzialidade non si tocat

CASTEDDU. Su Cussìgiu regionale de sa Sardigna contra a sa riforma de su de chimbe Tìtulos in sa parte chi atacat s'ispetzifitzidade de s'Istatutu autonomìsticu. Cun unu documentu aprovadu a s'unanimidade (petzi unu astènnidu) narat chi “peruna crisi econòmica podet èssere cajone de ridutzione o negatzione de sos ispàtzios de democratzia e de autodeterminatzione de unu pòpulu”. Su documentu impignat su guvernadore a su cunfrontu cun su Guvernu sollitzitende sos parlamentares sardos pro chi cumbatant “contra a sa cantzellatzione de s'autonomia regionale”. (ANSA)