TIESI. Domìniga su 12 de santugaine (a sas 10 de mangianu in sa sala Sassu) s'at a tènnere sa de XVIII editziones de su Prèmiu de literadura in limba sarda âSeunis â Tiesiâ. Ocannu su prèmiu â fundadu dae tziu Antoni Serra e organizadu dae s'omònimu sòtziu cun su patrotzìniu de sa Comuna - est intregadu a su poeta tiesinu Antoni Sassu. Sa giuria presidida dae Nigola Tanda (nde faghent parte finas Clara Farina, Toninu Rubattu, Sarvadore Tola, Istèvene Ruju e Pepinu Lintas) at detzisu de premiare Giangavino Vasco de Bortigale cun âUn'alenu nouâ (Poesia in rima) e Vincenzo Pisanu de Assèmini cun âSa notti e intre su lettuâ (Poesia a versos isortos). Unu reconnoschimentu ispetziale a sa mègius òpera de su Meilogu est andadu a Domenico Angelo Fadda de Tiesi cun âSu risu de su soleâ. Premiadu finas Antoni Maria Pinna de Puttumajore ("S'arzola l'an bentulada"); mentzione d'onore pro Barore Chessa de Cherèmule ("Cantu a sa natura"); Diritu a s'imprenta pro Giuanne Soggiu de Bunnannaru ("Bella no fuas").