Grà tzias a sa sinnalatzione de unu letore nostru, publicamus custos versos de su poeta tiesinu Giuanne Antoni Cossu (nà schidu in su 1897 e mortu in Firentze su 1972).
Su votu
Giuanne Antoni Cossu
Custu beneitu votu
lu diat cherrer ognunu;
si deo de votu nd'ap'unu,
comente a lu dare a totu?
Totu mi naran gasie:
“Si no ses tue unu fessu,
est in su tou interessu
de dare su votu a mie!â€.
E pro custu not'e die
in sa mente m'at piotu
pensamentos a fiotu,
prenetende a chie dare
sentza poder isbagliare
custu beneitu votu.
Mi forrojant sa memòria
sos discursos chi mi faghen!
Totugantos mi piaghen,
tot'an giara s'oratòria!
Mi prommitin pane e glòria
chi non resto pius geunu
totu de acordu sunu
pro mi sanare sos males!
Ma su votu... ite ferales
lu diat cherrer d-ognunu!
Ognunu a manera sua
chircat fiore in fiore,
nend'e su cumpetidore
sentza frenu peste e lua,
ammunèndemi non rua
in s'errore su pius brunu,
ca diat èssere comunu
su male sentz'isperà ntzia
comente fato in sustà ntzia,
si deo ‘e votu nd'ap'unu!!
S'esserat unu melone
o corcorija mannita,
la segai a fit'a fita
cun vera pretzisione
e passai in su rodone
chi faghet tant'abbolotu,
distribuende devotu
su ch'ispetat a d-ognunu,
ma deo ‘e votu nd'ap'unu,
non lu poto dare a totu!