Rimani sempre aggiornato sulle notizie di meilogunotizie.net
Diventa nostro Fan su Facebook!

Comintzadas sas atividades de s'Ufìtziu limba sarda

| di Fabio Solinas
| Categoria: Attualità
STAMPA

BORUTA. Dae sa chida colada sunt comintzadas sas atividades de s'Ufìtziu limba sarda de su Meilogu, nàschidu gràtzias a sas comunas de Boruta (cabu-fila), Cherèmule, Giave, Itireddu, Tiesi e Turalva e a s'assòtziu Àndala Noa. In sas comunas de Boruta, Turalva e Tiesi 'Ufìtziu at a aberrere sighende custu calendàriu:

  Mèrcuris    Gioja           Chenàbura
Boruta 9,00 - 14,00  -  -
Turalva      - 8,30 - 13,30 -
Tiesi - - 8,30 - 13,30

S'Ufìtziu est presente finas in internet cun unu situ internet chi regollit sos traballos, sas novas e unas cantas “àndalas de imparu” pro iscrìere in sardu sighende sa grammàtica ufitziale de sa Limba sarda comuna.

Semper in su situ sos tzitadinos borutesos, turalvesos e tiesinos podent rispòndere a su cuestionàriu anònimu dae su cale d'ant a essire sos datos chi ant a fàghere cumprèndere mègius sa calidade e sa cantidade de s'impreu de su sardu in sas biddas analizadas.

Pro sos impitadores de facebook b'est finas sa possibilidade de interagire in su grupu “Vocabulàriu Boruta/Turalva/Tiesi”, unu istrumentu pro cunfrontare su lèssicu locale cun sas paràulas de su glossàriu de sa Limba comuna.

Fabio Solinas

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK