Àteras tres garas de poesia a bolu in su Meilogu a pustis de sa silighesa de su 28 de austu coladu (in ue ant cantadu Zosepe Porcu e Brunu Agus) organizada dae sa comuna paris a su comitadu de Santu Pitzente. Chenàbura su 6 in Tiesi – pro sa festa de Seunis - (a sas 10 de note) s'ant a disafiare Sarvadore Ladu, Tzelestinu Mureddu e Pepinu Donaera. Su 7 - domìniga a sas 7 de sero - Ladu e Mureddu cun Nigola Farina in Bonorva. Lunis s'8 at a èssere sa borta de Agus e Donaera in Bànari, a sas 9 in pratza de Santu Larentu, pro sa festa de Nostra Segnora de Sea.