Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 08/10/2014

Alfano contra a sas cojas omosessuales. Vatzinos limba biaita e cundidura de sa maladia. Su delfinu Goccia in sa retza de sos piscadores. Meridiana, tèssile e Abbanoa.

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Deretos tziviles in sa prima pàgina de La Nuova oe in edìcola: «Omosessuales, sìndigos sardos contra a Alfano. Valanga de crìticas pro s'ultimatum de Afano a sos prefetos in pitzu de sas cojas registradas dae sas comunas. Si pesat su movimentu omosessuale isolanu: "sunt discriminatziones chi non si podent atzetare"». Sas decraratziones de su ministru de s'internu arribant a segus de sas manifestatziones - in totu Itàlia - de sas "sentinellas fichidas". In prima lìnia Nigola Sanna (Tàtari), Màssimu Zedda (Casteddu), Giuanne Giovannelli (Terranoa) e Màriu Bruno (S'Alighera). 

A metade de pàgina s'indàgine de sa Procura de Casteddu in pitzu de sos vatzinos contra a sa "limba biaita": «serbiant pro alimentare sa cundidura de sa maladia intre sos animales de allevamentu. Su reatu ipotizadu est de epidemia culposa».

In suta: «Meridiana, aberturas dèbiles. Redutzione de sos litzentziamentos: si tratat in pitzu de 140 pre-pensionamentos».

Isvilupos in s'inchesta pro sa morte fea de su delfinu Goccia: «lòmpidu in sa retza de sos piscadores».

Tèssile: L'Unione sighit oe cun s'inchesta: «Frundidos 200 milliones».

Ma no est totu de frundire. Ca cu su binu «produtores mannos e minores sobrant in su mercadu». «In sa Sardigna chi funtzionat - leghimus - su binu sighit a èssere unu primore. Sunt 18.500 sos ètaros destinados a s'atividade. [...] Su binu sardu est a s'ispissu sinònimu de calidade, no est de badas chi sas esportatziones sighint a crèschere, mesches in Germània»

In evidèntzia finas su pranu de sos investimentos de Abbanoa: «Ismesamus sas pèrdidas ìdricas. Cantieris de abèrrere in totus sas provìntzias».

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK