Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 09/10/2014

Istiu malu a si nch'andare. Regiones contra a su Guvernu, Sìndigos contra a sa Regione. "Cortes apertas" in Onanie a un annu dae su disacatu. Abusu de ufìtziu de Soru. Su Senadu aprovat sa riforma de su traballu

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Bonas dies. «S'atòngiu podet isetare»: lu bidimus acarende·nos a sa ventana, ma finas lende in manos s'editzione de oe de L'Unione Sarda. «Istajone sena agabbu in Gaddura e in Crabonaxa in ue sos turistas - in parte manna istràngios – sighint a arribare gràtzias a sas cunditziones meteorològicas òtimas e a una polìtica chi punnat a s'ismanniamentu de su perìodu de sas vacàntzias».

Àteras punnas in sa colunna de destra de su prus mannu giornale sardu: sa de sas regiones contra a sas detzisiones “romanas” in pitzu de sas trivellatziones (cun sa Pùllia chi ghiat sa protesta) e sa des sos sìndigos sardos (aunidos in s'Anci) chi invocant una «riforma dae su bassu». «Sa proposta de sos sìndigos – leghimus – previdit duos pilastros: Regione e Comunas. E a manera naturale ipotizat chi s'iscumparta de sas Provìntzias (semper chi sutzedat) si traduat in unu “afortigamentu” de sas Comunas e “in diretzione contrària a su tzentralismu regionale”. Su binàriu est “s'assòtziu de sas Comunas” a manera voluntària e s'ischema de assetu territoriale devet mòere – puntu crae - “dae sas regiones istòricas de s'ìsula”».

Sa proposta de sos sìindigos l'amus finas in La Nuova Sardegna chi, però, aberit cun sos «chimbe milliardos Ue pro su re-làntziu». «Sa Regione at individuadu sas prioridades contra a sa crisi. Bator sos setores istratègicos: infrastruturas, istrutzione, turismu e agricultura».

Foto tzentrale chi nos ammentat su disacatu de s'annu coladu in Onanie. Sa bidda in custas dies at a festare sas “Cortes abertas”, ma, comente iscriet La Nuova, est finas un'ocasione de meledu.

Si torrat a fàghere intèndere sa chistione Saatchi and Saatchi cun sa Cassatzione in pitzu de Soru e de s'abusu de ufìtziu suo (cando nch'at barigadu sa seletzione pùblica pro sa publitzidade istitutzionale: «abusu, ma sena dolo».

In ambos duos sos giornale su votu de su Senadu in pitzu de sa riforma de su traballu de Renzi.

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK