Duas novas diversas aberint oe La Nuova Sardegna e L'Unione Sarda. In su giornale tataresu si sighit a faeddare de s'alluvione: «Su guvernu acusat s'ìsula». Pro su sutasegretàriu Delrio «Fundos non ispesos in Sardigna pro s'inèrtzia de sos amministradores locales». Rispondet s'Anci regionale: «No iscàrrighet sas neghes e s'impignet a allentare su patu de istabilidade».
Su giornale dirìgidu dae Muroni imbetzes ponet in evidèntzia unu litzentziamentu de su traballadore Marco Pinna (baranta annos) in Biddacidru. Sa cajone? «Unu "mi piace" e unu cummentu iscritu in su perfilu Facebook de un'ex collega suo». Una cosa simigiante fiat sutzessa pro unu dipendente de sa Nestlé.