In Giave – nât chi – non si diat dèvere pagare carchi imposta. A cumintzare dae sas de sa benzina. Lu narant sos atos aprovados dae su Consìgiu (su 112 e su 115 de su mese de nadale in pessu coladu) in contu de Zona franca. E lu narat sa sìndiga Maria Antonieta Uras chi, bestida a tricolore, est mòvida conca a sos impiantos Q8 cun un’ischeda chi sos giavesos (e sos de aterue chi la leant in cue) diant dèvere impreare pro pedire sos rimborsos. Ca, mancari issa aeret avisadu s’azienda pro mèdiu de una comunicatzione ufitziale, sos prejos sunt abarrados sos chi fiant. A su presente sa benzina costat 1,719 èuros e su gasòliu 1599. Ite at ant a nà rrere in Roma? S'Agentzia de sas intradas (rispondende a una pregonta de unu sìndigu) at giai nâdu chi «sas etzetziones ùnicas de su territòriu de s'Istadu, in contu de IVA, non pertocant sa regione Sardigna». In facebook, sos à teros sìndigos de su Meilogu parent mudos. Francu carchi "mi piace" a à teros messagios. E francu su de Bonorva chi, su 7 de nadale, aiat manifestadu prus de carchi duda. E bois, ite nde pensades?