TIESI. S'Assessoradu de s'Istrutzione pùblica at aprovadu sas graduatòrias relativas a sos bandos:

• 1) Isperimentatzione in sas iscolas de s'insegnamentu e de s'impreu veiculare de sa limba sarda in oràriu curriculare;
• 2) cuntributos a sas istitutziones iscolàsticas pro sa tzelebratziones de “Sa Die de sa Sardigna”.

Pro su chi pertocat su primu bandu (graduatòria espertos esternos) s'iscola primària de s'Istitutu cumprensivu de Tiesi at otènnidu 82 puntos faghende-si assignare 3 mìgia èuros. 82 puntos (e matessi importos) finas pro s'iscola secundària de primu gradu de Bunnànnaru e pro s'iscola secundària de primu gradu de Tiesi (ambas duas de s'Istitutu cumprensivu). At a retzire su cuntributu finas s'iscola materna (àteros 3 mìgia èuros cun 64 puntos).
Milli èuros a s'Istitutu cumprensivu (chi at cunsighidu 27 puntos) pro sas telebratziones de “Sa Die de sa Sardigna”.