Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Su sardu in su Meilogu. Chie lu faeddat e iscriet? Cando? Inue? E comente?

| di Uls Meilogu
| Categoria: Territorio | Articolo pubblicato in Spazio Aperto
STAMPA

Una punna de sas atividades de s'Ufìtziu fiat sa de ammaniare e acumprire una chirca sotziolinguìstica de sas tres biddas. Amus mòvidu dae sa netzessidade de iscumproare sos resurtos de sa chirca regionale de su 2006 pro chircare de cumprèndere si, a pustis de oto annos colados e cunforma a unu chirru minore de Sardigna, in su Meilogu amus sas matessi dinàmicas in contu de trasmissione e de comunicatzione, ma finas pro cumprèndere sas opiniones in contu de limba ufitziale e de grafia. Est istadu ammaniadu unu cuestionàriu cun unas cantas pregontas.

Cale si siat tzitadinu/a residente in sas tres Comunas lu podiat compilare in su situ de s'Uls e (pro mèdiu de un'ischeda de pabiru imprentada) in sas tres domos comunales. Amus retzidu 18 cuestionàrios dae Boruta, 16 dae Turalva e 48 dae Tiesi. Belle che pare sa partetzipatzione de sos òmines (39 - 47,6%) e de sas fèminas (43 – 52,4%). Intre sas diferentes fàscias de edade amus retzidu 4 cuestionàrios dae parte de giòvanos dae sos 18 a sos 25 annos (su 4.9%); 27 (su 32,9%) de sos chi ant dae sos 26 a sos 40; 40 (su 48,8%%) de sos chi ant dae sos 41 a sos 65; 10 (su 12,2%) de sos chi nd'ant prus de 65. Sos datos postos inoghe mustrant una populatzione intervistada minuda a beru, ma devimus pensare chi sos abitantes de sas tres biddas no arribat a sos 5 mìgia (Boruta 292, Turalva 986, Tiesi 3047).

Sos datos chi sighint, semper e cando, podent cunfirmare sa rapresentatividade de sa realidade sotziolinguìstica de su Meilogu. Su 56,1% de sos intervistados at naradu chi est istadu pesadu in sardu, su 37,8% at naradu chi nono; su 6,1% no at rispostu. Si cunfrontamus sos datos, sa cantidade de sos chi ant naradu chi nono cumbinat pagu prus o mancu cun sas primas duas fàscias de edade mentovadas, est a nàrrere (in totale) dae sos 18 a sos 40.

Pregontende si imbetzes sos intervistados ant pesadu in sardu sos fìgios (amus postu “si no as fìgios non rispondas”) bidimus chi sa situatzione peorat: su 50% at rispostu chi emmo e s'àteru 50 chi nono. Custos pro more de diversas cajones: dae su de no àere imparadu su sardu in domo, a s'àere cojuadu una persone chi non lu faeddat. Semper e cando su sardu est faeddadu “meda” dae su 64,3% de sos intervistados (su 32,9%) at rispostu “pagu” e su 3,7% “nudda”).

Ma sunt cunfirmadas sas tendèntzias a sa diglossia, giai mustrada a manera crara dae sa chirca regionale: su 63,4% nat-chi “dipendet dae sos cuntestos”. Cales sunt custos cuntestos? Cun sos amigos (70,7%); in domo (68,3%); traballende (29,3%); in iscola (6,1%). No ispantat chi s'iscola siat su logu in ue su sardu siat postu a banda prus de sos àteros.

Cunforma a sos chi lu faeddant sunt in mancu sos chi l'impitant in s'iscritura: iscrient meda su 15,8%; nudda su 34,1%; pagu su 47,6%. Intre sos pagos chi iscrient in sardu sos prus sunt internàutas o impitadores de telefoneddos multimediales cun tecladu qwerty (su 31,7%). Su datu est de importu ca nche colat sa pertzentuale de sos “poetas” (18,3%). De giudu sos cunfrontos intre s'oralidade e s'iscritura intre sos òmines e sas fèminas e sas diferentes fàscias de edade.

In sos concruos sos datos chi, nointames sas dificultades, nos mustrant su cuntzetu chi nd'ant sos sardos intervistados de sa limba issoro: su 97,6% narat chi no est unu dialetu de s'italianu ma chi est una limba a banda cun sos dialetos suos; su 78% narat chi su sardu iscritu no est che pare a su sardu faeddadu (grafema e fonema non cumbinant); su 94% diat chèrrere su sardu limba ufitziale paris cun s'italianu. Est a nàrrere, cheret una grafia unìvoca pro s'amministratzione, pro s'iscola e pro cada cuntestu.

Uls Meilogu

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK