Rimani sempre aggiornato sulle notizie di meilogunotizie.net
Diventa nostro Fan su Facebook!

Falce. In bidda si narat...

| di Mauro Piredda
STAMPA

Comente si narat FALCE in bidda tua?
Si ses de Bànari, Bessude, Sìligo, Bunnànnaru, Turalva, Boruta, Tiesi, Cherèmule, Giave, Cossoine, Bonorva, Semèstene e Putumajore pone unu cummentu inoghe suta iscriende comente si narat. Non ti ismèntighes de pònnere su nùmene de sa bidda!


Resurtados. In su glossàriu de sa limba sarda comuna agatamus “farche” e medas sunt sas pronùntzias a segunda de sas diferentes variedades:



In sas biddas de su Meilogu, sighende sas rispostas, amus, “farche”, “frullana”, “frullaninu” e “messadòrgia*” ("messadordza" in Bànari, "messadosa" in Sìligo).

“Farche” e “frullana” diant èssere sa “falce” cun sa
màniga longa, sa “falce” mera e sìnchera.
Imbetzes, su “frullaninu” e sa “messadòrgia” sunt sa “falce” cun sa
màniga curtza. Sa “messadòrgia” est però sa chi, frunida de dentes, benit impitada pro messare.
Tando? Pro ite “farche” emmo e “frullana” nono (nessi in su glossàriu de sa limba comuna)? Forsis ca
“frullana” est in italianu! E difatis l'agatamus finas in sa compositzione poètica “Le armi” de Pascoli.

Poi, la frullana: quella che lavora
come quell'altra che disfà le vite:
lavora all'ombra, prima dell'aurora
.

In sa matessi poesia est mentovadu s'atretzu a màniga curtza (“chi aparit finas in chelu”)


Poi fece anche la falce, arma che appare
anche nel cielo, quando l'aria imbruna,
bianca, poi d'oro, sul monte o sul mare
.

“Falce”, tando, e non “falcetto”. Difatis, in sa limba italiana, a parusu, naramus “falce” a su “falcetto”. E finas in sa simbologia polìtica amus “falce e martello” e non su chi diat èssere giustu, est a nàrrere “falcetto e martello”.

Duncas su de impitare su vocàbulu “
farche” est sa solutzione sa prus sèmplitze pro bortare “falce”, lassende (a manera òvia) sa facultade de impitare finas “frullana”, “frullaninu” e “messadòrgia

*finas pro messadòrgia amus impitadu sos matessi critèrios de "ghennàrgiu", "atzàrgiu" e gasi sighende

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK