MARA. Sighint sas initziativas pro "Sa Die sa Sardigna" finas a pustis de su 28 de abrile. Cras in Mara s'at a tènnere una cunferèntzia subra sa "Sarda rivolutzione" cun sos interventos de s'istòricu Omar Onnis e de su disegnadore Manuele Mureddu. Ammaniada dae su Comune de Mara cun s'agiudu de sa Regione Autònoma de Sardigna (l.r.44/1993), s'at a tènnere a sas 17,30 in su tzentru sotziale. A fine serada ant a intervènnere su Coro Bonu 'ighinu de Mara e su grupu de ballu folcloristicu de Mara. S'ant a pòdere finas apretziare sos produtos de su logu.