A L'ISCHIS ITE EST SU TTIP?
(comunicadu in ocasione de sas mobilitatziones prevìdidas pro su 14 de santuaine)
Su TTIP (Transatlantic Trade Investiment Partnership) est un'acordu chi pertocat su cummèrtziu e sos investimentos giutu a in antis dae s'Unione europea e dae sos Istados unidos de Amèrica. Lu sunt fatende a sa cua pro chi sos tzitadinos no iscant nudda.
Su TTIP est de refudare pro duos motivos:
1) Su primu motivu est ca cherent livellare a suta totus sas normas chi tutelant s'ambiente, sa salude, su traballu e s'agricultura pro su solu interessu de sas multinatzionales. Tando...
...si in Amèrica sa sanidade si pagat;
si in Amèrica si podent allevare animales cun sos ormones, o coltivare organismos mudados geneticamente;
si in Amèrica s'abba est in manos de pagas multinatzionales;
si in Amèrica si podet litzentziare dae oe a s'incras sena chi chie traballat si potat opònnere de peruna manera...
...finas inoghe diat dèvere èssere gai!
2) Pro pòdere acumprire a custos obietivos, su TTIP previdet s'istitutzione de unu Tribunale internatzionale privadu pro acollire sas protestas de sas multinatzionales contra a sos istados chi diant aprovare normas a tutela de s'ambiente, de su traballu, de sa sanidade o de s'iscola pùblica. E pro los cundennare a pagare santziones mannas!
Su TTIP previdet chi totu benzat privatizadu: sos benes comunes, sos deretos de sos tzitadinos e de sos traballadores.
Su Guvernu Renzi, mancu a lu nàrrere, cheret pònnere sa firma a su TTIP a sa lestra. Gai etotu est fatende cun su CETA (s'acordu cummertziale intre Europa e Cànada) e cun su TISA (s'acordu subra sos servìtzios) chi ant sos matessi obietivos.
Comente sunt fatende in totu Europa (mobilitatziones s'11 e su 14 de santuaine) tocat de nos mòvere finas in Sardigna pro creare su prus mannu movimentu contra a su TTIP, a su CESA e a su TISA.
Sos movimentos pro s'abba pùblica e contra a sas ispeculatziones energèticas, sos comitados pro sa sanidade pùblica, su movimentu operaju e cale si siat assòtziu pro sa giustìtzia sotziale podent e devent giùghere a in antis, aunidos, custa batalla.
Re-fundatzione Comunista Meilogu
SAI COS'È IL TTIP?
(Comunicato in occasione delle mobilitazioni previste per il 14 ottobre)
Il TTIP (Transatlantic Trade Investiment Partnership) è un accordo riguardante il commercio e gli investimenti portato avanti dall'Unione europea e dagli Stati uniti d'America. Lo si sta negoziando di nascosto affinché i cittadini non ne sappiano nulla.
Il TTIP è da rifiutare per due motivi:
1) Il primo motivo è che vogliono livellare al ribasso tutte le norme che tutelano l'ambiente, la salute, il lavoro e l'agricoltura per il solo interesse delle multinazionali. Dunque...
...se in America la sanità la si paga;
se in America si possono allevare animali con ormoni, o coltivare organismi geneticamente modificati;
se in America l'acqua è in mano di poche multinazionali;
se in America si può licenziare dall'oggi al domani senza che chi lavora si possa opporre in alcun modo...
...anche da noi dovrebbe funzionare così!
2) Per poter realizzare questi obiettivi, il TTIP prevede l'istituzione di un Tribunale internazionale privato che si faccia carico delle proteste delle multinazionali contro gli stati che approverebbero norme a tutela dell'ambiente, del lavoro, della sanità o della scuola pubblica. E per condannarli a pagare ingenti sanzioni!
Il TTIP prevede che tutto venga privatizzato: i beni comuni, i diritti dei cittadini e dei lavoratori.
Il Governo Renzi, nemmeno a dirlo, vuole accelerare la firma sul TTIP. Allo stesso modo sta facendo con il CETA (l'accordo commerciale tra Europa e Canada) e con il TISA (l'accordo sui servizi) che hanno gli stessi obiettivi.
Come stanno facendo in tutta Europa (mobilitazioni l'11 e il 14 ottobre), occorre darci da fare anche in Sardegna per creare il più grande movimento contro il TTIP, al CESA e al TISA.
I movimenti per l'acqua pubblica e contro le speculazioni energetiche, i comitati per la sanità pubblica, il movimento operaio e qualsiasi associazione per la giustizia sociale possono e devono portare avanti, uniti, questa battaglia.
Rifondazione Comunista Meilogu