Unu grustu de istudiosos italianos at iscobertu una “molècula-frenu†chi diat pòdere agiuare a non tènnere s’infartu: “incarchende†custu frenu moleculare si mìnimat su perìgulu chi sa placa de arteriosclerosi (unu pìgiu tostu dannà rgiu chi si format in sas artèrias de sas pessones chi sunt in arriscu de li bènnere s’infartu) si trunchet, non lassende arribbare su sà mbene a su coro e causende, duncas, s'arrestu cardìacu. Est su resurtadu de un’istùdiu chi unos cantos cardiòlogios ghiados dae Filippo Crea ant fatu in s’Universidade Catòlica de Roma. S’istùdiu l’ant a presentare in un’addòviu in su Policlìnicu Gemelli e l’ant a publicare in sa rivista Basic Research in Cardiology.
Custu frenu nche catzat podere a sas tzèllulas infiammatòrias chi pro curpa issoro sa placa si truncat. S'arteriosclerosi,infatis, est un'infiammatzione crònica de sas artèrias. A s’ispissu andat paris cun sa formatzione de una placa, est a nà rrere chi sa parte de intro de sas artèrias si faghet prus tosta pro neghe de s’annanta de grassos e tessutos. Sa placa si podet truncare pro prus de una resone: in mesu de custas resones b’est s’atacu de tzèllulas infiammatòrias chi iscadenant reatziones locales e l’indebìlitant.
Sos espertos ant osservadu chi custas tzèllulas infiammatòrias subra de sa placa tenent unu frenu moleculare, sa molècula "CD31", chi nde mìnimat s’atzione noghidora. Ant annotadu fintzas chi su frenu CD31 si podet guastare lassende custas tzèllulas a contu issoro, faghende truncare sa placa e causende s’infartu. Grà tzias a custa iscoberta sos sientziados diant pòdere bogare a campu meighinas chi aumentant sa fortza de su CD31.