Giave: presentatzione de su libru “Amsicora: eroe sardo” de Tonino Oppes

Sàpadu sero in Giave in su Tzentru sotziale s’Amministratzione comunale, sa biblioteca e s’Ufìtziu de limba sarda, coordinadu dae s’Assòtziu culturale Àndala Noa, organizant sa presentada de su libru “Amsicora: eroe sardo” de su giornalista professionista  Tonino Oppes. Dae su 1977 at traballadu in sa RAI in ue dae su 2000 est istadu capu redatore. At iscritu libros meda pro su chi pertocat s’ambiente e sos piseddos e at àpidu meda reconnoschimentos pro su traballu de iscritore. A manera sèmplitze e crara, comente faghet semper, at contadu unu bìculu de istòria sarda dende∙nos un’oportunidade de connòschere mègius unu perìodu chi at àpidu pro nois sardos meda cunsighèntzias istòricas, culturales e mescamente linguìsticas. In custu biàgiu nos at a acumpangiare Leopoldo Ortu dotzente de Istòria de sa Sardigna in s’universidade de Casteddu.