Pro La Nuova Sardegna est una «riforma a tapas»; pro L'Unione unu «atzoroddu». Acò sa lege chi mudat sa Sanidade regionale! Su giornale tataresu nos contat chi est istada «aprovada cun sos votos de su tzentru manca ebbia» e chi dae nadale amus a àere sos cummissàrios in sas Asl (s'isvilupu de sa nova in intro de sa pàginas internas). L'Unione falat prus a fundu narende·nos chi «sa prima versione aprovada limitaiat sos cummissariamentos a sas aziendas mistas, frascu Asl e Brotzu». Pigliaru: «Rimediamus sos disacatos de su tzentru destra». S'opositzione: «est un'abusu».
In tema de salude chi benit a mancare ambos duos sos giornales faeddant de tumores ligados a sas atividades militares. La Nuova ponet in evidèntzia s'interpellàntzia de Miali Piras de Sel: «Meda mortos de tumore in Cabu Frasca». L'Unione sa morte de su "tatarinu" Luca Iddas in Teulada: «Sa leutzemia ochiet un'àteru militare sardu».
In contu de traballu amus imbetzes sos allarmes de sos sindacados («Saipem fache a s'iscontzu?») sa martza de sos traballadores Meridiana dae Terranoa a Casteddu.