TIESI. Sa Comuna, paris cun sa Pro Loco e sos assòtzios culturales tiesinos, sunt ammaniende un'editzione noa de “Rochitas in festa”. Sàpadu su 10 de custu mese, a comintzare dae mesudie, sos tiesinos e sos chi ant a acudire dae sas àteras biddas ant a pòdere assazare unos cantos màndigos locales (s'elencu in sa locandina). In intro de sa die no ant a mancare vìsitas ghiadas peri sa bidda, giogos pro pitzinnos, mùsica e ballos, mustras artesanales, càntigos de sos Cunsonos e artistas locales.