BONOLVA. Una lìtera anònima càrriga de minetzas “a te e ai tuoi consiglieri” est istada retzida custu mangianu dae su Sìndigu Giammario Senes. In su momentu de s'abertura Senes s'est abigiadu de sa presèntzia de unu pagu de prùere biancu. Pro cussu motivu est istadu isoladu in intro de sa domo comunale pro no intrare in cuntatu cun àtere in s'isetu de connòschere sa natura de sa sustàntzia cuntènnida in intro de sa busta. Paris cun sos carabineris sunt arribados sos vìgiles de su fogu e s'ambulàntzia de su 118. Ant a èssere sos Ris de Casteddu a istabilire ite b'aiat in sa lìtera e a chircare eventuales imprentas digitales. Est sa segunda borta chi Senes retzit minetzas. Su 26 de trìulas desu 2012 una lìtera cun duas ballas est finida in sas manos de un'impiegada de s'ufìtziu postale chi aiat avisadu lestra sos carabineris. Fonte Ansa