TIESI. Su comitadu de Nostra Segnora de Seunis de su 2015 organizat pro domìniga chi benit (su 22 de martzu) unu prelievu de sà mbene pro agiuare a Giovanni Andrea, unu pitzinnu tataresu de ses annos. Giovanni Andrea est sutapostu a sa chemioterapia dae tres annos, ma como no li bastat prus. Pro sanare at bisonzu de su trapiantu de su meuddu e non b'at tempus meda ca una persone ebbia intre chentumiza est cumpatìbile. Su prelievu est unu primu passu pro cumprèndere si b'est custa cumpatibilidade. Sos chi ant un'edade intre sos 18 e sos 45 annos, semper chi siant in salude e pesent prus de 50 chilos, podent dare su cuntributu issoro. S'apuntamentu est a sas 9 de manzanu in sa butica de Schirru, in carrera de Umberto.