Domìniga de retes pro sas iscuadras de su Meilogu chi, in chimbe partidas, boddint deghe puntos. In prima categoria sos biancos e rujos de Mario Fadda binchent cun una rete ebbia gràtzias a Solinas. Una rete ebbia la faghet finas su Sèdilo, chi però nde retzit sete dae unu Puttumajore in possa manna. In su girone H de segunda binchet su Tiesi cun bator retes de Solinas. Su Turalva conchistat unu puntu cun su parègiu contra a s'Ìtiri (rete de Garau) e su Sìligo perdet 0-2 contra a s'Ossesese.