Su Consìgiu regionale at aprovadu, cun 30 votos favorèvoles e 4 contràrios, sa lege de riforma de s’Egas. Intre sas 29 Comunas chi ant a pòdere sighire a gestire su servìtziu ìdricu in autonomia finamentas Bessude e Cherèmule. Cuntentu mannu Sarvadore Masia, presidente de s'Unione de sas Comunas de su Meilogu: «Abbanoa no at a àere s'abba de Cherèmule e de Bessude. Bìnchidu amus».
Custas sas àteras Comunas chi nch'ant a abarrare in foras de Abbanoa: Adoni, Agghju, Anela, Àrthana, Biddamanna Strisàili, Bonàrcadu, Bòtidda, Brucei, Cabuderra, Crabonaxa, Isporlatu, Frùmini Majori, Lotzorai, Mòdolo, Nuxis, Ortzai, Paulle, Pèrfugas, Santeru, Santanna Arresi, Santulussùrgiu, Serramanna, Seui, Su Burgu, Tertenia, Teulada, Urtei.