Su “passu in dae segus†de Frantzisca Barracciu est faghende chistionare sos atores polìticos. Su giornalista italianu Gad Lerner– chi faghet parte de s'Assemblea natzionale de su Pd - at cussigiadu a su partidu sardu de sustènnere Michela Murgia pro non fà ghere torrare a bìnchere Cappellacci. Su guvernadore uscente, in s'interi, at iscritu in Twitter chi «su Pd cà ndidat a Topo Gigio». Una brulla chi mustrat sa seguresa de torrare a guvernare sa Sardigna finas a su 2019. Su Pd, difatis, at unu problema mannu. Arturo Parisi, propostu dae Guido Melis, at giai naradu chi nono. Pro s'ex ministru de su guvernu Prodi «si bi esserent istadas sas cunditziones pro una proposta mia pro su guvernu de sa Sardigna la dia à ere sutaposta in sas eletziones primà rias». Primà rias traitas pro Efìsiu Arbau (La Base), su cussigeri regionale chi at segadu cun su Pd chi non l'as at chertas fà ghere pro sas provintziales de Nùgoro de su 2010. «Sa ritirada de Frantzisca Barracciu est una violèntzia contra a su sistema democrà ticu», at naradu Arbau annanghende chi «no amus sa netzessidade de fà ghere listas o coalitziones a mala gana ca semus persones chi ant su traballu issoro e non bivent dae sa polìtica». Solidariedade a Barracciu dae parte de Giuanne Deriu e Lisandru Corona (Re-fundatzione e Comunistas italianos ant a fà ghere una lista paris). Soddisfatos Sel e Rossomori. Pro su partidu de Gesuinu Muledda sa ritirada de Barracciu podet finas firmare s'intrada de su Psd'Az in sa coalitzione. In s'interi, sos movimentos pro sa Zona franca ant naradu chi no ant a fà ghere parte nen de su tzentru destra, nen de su tzentru manca: «su de sa dutoressa Randaccio e de s'avocadu Scifo est unu sèberu personale».
Àteros artìculos