TÀTARI. Gioja su 26 de làmpadas s'artista banaresa Josephine Sassu at a presentare sos traballos suos in su L.e.m. (Laboratorio estetica moderna) a sas 6,30 de borta de die. Su tìtulu de sa mostra est “Torno subito”, est a nàrrere «una frase – narat Josephine - cun sa cale in antis o a pustis b'amus ite fàghere, mancari dae su butegheri fidadu in suta de domo; l'agatamus iscrita in billeteddos de fortuna, in sos post-it, pro indicare una momentànea ausèntzia e pro invitare unu isetu chi at a èssere de seguru ricumpensadu». Josephine, a pustis de sos esòrdios chi aiant unu «atzentu ambientalistas» ("Non disperdere nell’ambiente dopo l’uso" e "La valle degli orti") e «salutista/intimista» ("Tutti i mali che vengono per nuocermi" e nella serie di autoritratti "Specchio delle mie brame"), ponet a cumone custas temàticas, cumassende «sas urgèntzias de su protocollu de Kyoto cun sas cunsighèntzias de sas vàrias bullas finantziàrias de custos ùrtimos annos». «Penso chi in unu percursu de un'artista – sighit Sassu – arribet unu momentu in su cale s'artista matessi comintzat a s'istrocare in una perpètua òpera de cunsolidamentu de s'operadu suo». Sugetos animales, plastilina,  tràgicu e còmicu cun su lìmite intre issos chi «si mòssigat de continu sa coa» sunt su cundimentu de sa «furriada esistentzialista» de custos traballos.

S'eventu in facebook