BÀNARI. Custu sàpadu sos tzitadinos e sas tzitadinas de Bànari ant sa possibilidade de donare su sàmbene issoro gràtzias a sa regorta organizada dae sa Pam.
Est bastante a mòvere conca a sas ex iscolas elementares dae sas noe mancu unu cuartu de manzanu e, s'in casu, a giùghere in fatu sos esàmenes pretzedentes.
Donare su sàmbene est una de sas prus mannas formas de solidariedade chi amus, ca semus faeddende de una cosa chi non si podet ammaniare in laboratòriu.
Pro cussu sa disponibilidade de sàmbene est unu patrimòniu colletivu chi est e devet èssere a dispositzione de chie si siat e in cale si siat momentu.
De prus, a cada donadore de sàmbene ant a bènnere fatas sas anàlisi (e sos resurtados ant a arrivare a domo). Una medida netzessària pro connòschere sa salude nostra.