Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Sièntzia e digitale: S’eletrònica moleculare

De Sarvadore Serra Nieddu

| di Sarvadore Serra Nieddu
| Categoria: Attualità | Articolo pubblicato in Spazio Aperto
STAMPA
printpreview

Sarvadore Serra Nieddu est unu tiesinu-nugoresu (su babbu e sa mama fiant tiesinos ma isse est "nàschidu e pàschidu in Nùgoro"). Est tradutore in limba sarda (at bortadu "Dubliners" de James Joyce, "The Canterville Ghost" de Oscar Wilde e "Il famoso Natalino" de Mannuzzu) e ativista de su movimentu linguìsticu. In sa pàgina sua in facebook nos mustrat sa normalidade e sa modernidade de sa limba sarda iscaretzende argumentos sientificos. Dae oe publicamus sas notas suas (chi in facebook sunt giai 114) "Sièntzia e digitale". Li torramus gràtzias, pro s'aficu chi bi ponet e pro nos àere cuntzessu de publicare sos traballos suos. 


S’eletrònica de su cras  at a èssere moleculare: sos cumpostos orgànicos che a sos  idrocarburos ant a intrare in parte de  filos e transistor, e ant a permìtere de ammmaniare  ischededdas eletrònicas  semper  prus  minores, cambiende in totu  s’idea chi tenimus  de dispositivu portatile. Sa prima molècula  chi punnat a intrare  in custu tempus tecnològicu nou si narat “pitzene”.  Sas propiedades suas las ant  istudiadas  in  Giappone e in Taiwan e las ant descritas in su  “Journal of Chemical Physics”.

Su  pitzene, pro comente est fatu,  permitet  a sos eletrones de colare in presse 
- Su  pitzene est un idrocarburu aromàticu chi s’agatat in su  catramu de carbone fòssile. Sa molècula est formada dae chimbe aneddos  de benzene cundensados  a forma de 'W': custa  istrutura cunsentit unu passàgiu lestru de sos eletrones chi belle gasi mantenent un’istabilidade chìmica bona.  Pro istudiare su cumportamentu de su pitzene a cuntatu cun unu sustratu metàllicu (sa matessi situatzione chi bi diat èssere  in intro de unu dispositivu eletrònicu), sos istudiosos  nd’ant postu unu pìgiu sùtile subra de una lastra de prata.

Si podent  fàghere tzircùitos chi funtzionant bene a beru
– Totu custu l’ant analizadu cun unu microscòoiu a efetu galleria. In custa manera ant iscumproadu chi su pitzene interagit pagu cun su metallu, e duncas mantenet sas propiedades suas: su pitzene si podet pònnere deretu in su sustratu de prata sena pònnere in mesu unu pìgiu istabilizadore, “una propiedade fundamentale pro àere unu cuntatu de calidade manna cun sos elètrodos metàllicos – narant sos istudiosos - e duncas unu tzircùitu chi funtzionat bene a beru. ”.

Ligàmene: http://notizie.tiscali.it/articoli/scienza/14/09/pronta-decollare-elettronica-molecolare-addio-fili-transistor.html?scienza

Sarvadore Serra Nieddu

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK