Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 07/10/2014

Traballu in nieddu e innovatzione tecnològica. Dinare a sos grupos regionales. "Goccia", su delfinu ochidu in Figari. Pranu de sa Protetzione tzivile contra a sas alluviones

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Duas novas diversas in pitzu de s'andanta de su traballu in s'ìsula. «In cussu a tempus partziale su cuat su traballu nieddu». In s'artìculu annuntziadu in sa prima pàgina de La Nuova (e chi sigit a pàgina 16) bidimus chi cada tres traballadores i nd'at unu «chi traballat a tempus prenu ma s'azienda versa a s'Inps contributos reduidos». «Su fenòmenu – sighit La Nuova – est ligadu a s'evasione contributiva».

L'Unione nos contat imbetzes de «un'ìsula a duas velotzidades» faeddende de «disocupatzione e innovatzione»: «In s'ìsula pinnigada dae sa crisi b'at però un'ispiràgliu. Che a cussu regaladu dae Sardegna Ricerche, su tzentru de primore istituidu dae sa Regione e reconnotu in totu Itàlia, impignadu in sa promotzione de sa tecnologia e de sa chirca e de s'acostamentu a sas impresas chi s'intregant a s'innovatzione».

L'Unione sighit cun un'àteru tipu de velotzidade: «Iscàndalu trenos, ritardos e fàulas. Su primu de sos oto trenos lestros achistados dae sa Regione (Giunta Soru) est firmu in Casteddu dae 73 dies. E n at a intrare in funtzione intro de un'annu».

«Dinare a sos grupos, como bi torrant a proare». Gasi La Nuova chi nos contat de «una proposta de lege presentada dae sos partidos minore in cussìgiu chi torrat a pònnere assuntziones e ispesas».

A metade de pàgina sa foto-notìtzia de Goccia, su delfinu de Figari «iscorgiadu dae manos espertas e abbandonadu in s'arenile».

Pro su chi pertocat sas istrategias de sa Protetzione tzivile «naschet su pranu contra a sas alluviones».

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK