Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 10/10/2014

32 milliardos pro s'isvilupu, Abbanoa, ispopulamentu. Meridiana e trenos, limba biaita e riforma Asl

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Bonas dies. Isvilupu est sa paràula crae de s'abertura de sos giornales de oe. «Regione: acò su Pranu de Isvilupu». Gasi La Nuova Sardegna chi nos contat de s'aina presentada «a imprenditores e sindicatos», de una «programmatzione unitària» e de unu prus mannu «sustegnu a sas impresas». Cantu benit a costare custu pranu? Nos lu narat finas L'Unione sarda chi ponet sa tzifra in su tìtulu a maduru: «In cassa 32 milliardos». S'assessore Paci, acrarende sas punnas de sa programmatzione «at annuntziadu su “via libera” de Roma a s'impreu de sas riservas erariales».

In subra de custa nova L'Unione sutalìniat sos males de sa gestione ìdrica: «Retes cadruddas, disservìtzios e bulletas maduras. Sas Comunas a Abbanoa: “Sas promissas non bastant”».

In s'agabbu de pàgina su dramma de s'ispopulamentu: «Sindia: una bidda cara a s'estintzione». Difatis leghimus chi «su tzentru a làcana intre Màrghine e Pianalza si bi la sighit gasi in su 2097 at a èssere cantzelladu dae sa carta geogràfica».

La Nuova ponet in artu unu capìtulu nou de sa vertèntzia Meridiana: «Personale unfradu dae 600 re-ìntegras». S'isvilupu de sa nova in intro de su giornale: «Sa cumpangia: in bator annos 610 traballadores de prus pro more de sas detzisiones de sos giùighes. Perunu passu a in antis in sas tratativas cara a su cunsessu cun sos ministros».

Galu: «Limba biaita, in Sèdilo torrat su bisu malu» (est su primu casu de su 2014); «Riforma Asl, primu “emmo” (in cummissione, Ndr), ma in Cussìgiu s'at a gherrare»; «Trenos lestros, su collàudu in s'ìsula s'at a fàghere in ghennàrgiu».

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK