Partecipa a MeiloguNotizie.net

Sei già registrato? Accedi

Password dimenticata? Recuperala

Primas pàginas: 16/10/2014

Alluvione: pedinu disacatu. Crisi Meridiana. Abbolotu Pd. Tres pitzocos ponent fogu a una mòngia. Foto-voltàicu: sa Regione contra a su Tar pro "neghe de Cappellacci". Bolos a preju bassu.

Condividi su:

Sas novas malas in pitzu de su tempus malu non mancant e sa gente sighit a artziare sa conca in susu timende chi dae chelu potzat torrare a rùere cussa abba chi belle un'annu a como at destruidu cantu b'aiat. Est su sentidu chi oe cumparit in s'abertura de sa prima pàgina de La Nuova: «Pedinu alluvione: Gaddura disamparada». «Su Corpu Forestale - leghimus in su summàriu - cunsignat a sa Regione sa "mapa niedda" de su dissestu in ue non b'at àpidu perunu interventu. Arriscu disacatu pretzisu a su 2013».

A metade de pàgina, cun foto manna, sa protesta de duos dipendentes de Meridiana artziados a 30 metros dae terra e determinados a bi firmare: «Amus a falare cando ant a èssere revocados sos litzentziamentos».

In s'ìnteri sighit s'abbolotu in su Partidu democràticu: «Primàrias Pd, aèra bassa: rinvios e velenos».

In agabbu de pàgina una crònaca tataresa: «Ponent fogu a su velu de sa mòngia».

L'Unione sighit cun sos isvilupos de s'abertura de eris in pitzu de su foto-voltàicu in Narabuia* e de su ricursu regionale contra a sa detzisione de su Tar: «Neghe de Cappellacci». «Dae unu puntu de annotu giurìdicu - at naradu s'assessora Falchi - fìamus custrintos a fàghere ricursu». Ma in sa nova nde essit a campu su nùmene de su frade de Walter Veltroni, Valerio, sòtziu de Enervitabio.

A comintzu de pàgina su pranu chi sa Regione est iscriende pro afortigare sos bolos a preju bassu: «Acò su pranu pro sarvare sos cullegamentos».

*Narbolia

Condividi su:

Seguici su Facebook