Partecipa a MeiloguNotizie.net

Sei già registrato? Accedi

Password dimenticata? Recuperala

Primas pàginas: 20/10/2014

Intzidentes. Èbola. Parègiu de Torres e Casteddu. Padre Ziranu e Santu Efìsiu. Meridiana e pranos de Re-nàschida. Pd: Angioni contra a Soru

Condividi su:

Comintzamus custa chida de primas pàginas cun novas chi non diamus chèrrere lèghere e bortare. Si L'Unione sarda nos contat de «Una colada mortale» a probe de Santu Giuanni Suèrgiu (duos giòvanos a caddu de una moto ant coladu una vetura e lassinende in s'asfaltu si sunt iscutos a un'àtera), La Nuova aberit cun s'intzidente de Tàtari chi at interessadu un'imprendidore 31enne: «Rutu dae sa moto, peruna ispera».
La Nuova ponet in evidèntzia àteras duas novas "tataresas". Sa prima pertocat s'ofesa a Padre Ziranu: a pustis de su chi at sutzessu s'istàtua at èssere trasferida in cunventu pro su restàuru. S'àtera pertocat su parègiu de sa Torres cun su Mantova: «Sa befe arribat a su 93'».
Novas de traballu cun sa solidariedade de sa Crèsia a sos traballadores de Meridiana: «Su Pìscamu de Tèmpiu làntziat s'sos». Mussegnore Sanguinetti at addobiadu sos operajos ponende·si sa malliedda ruja de sa protesta.
«Èbola - galu in La Nuova - perunu allarme: "s'ìsula est proteta"».
Pranu anti-Èbola finas in L'Unione: «s'incasu sos malàidos ant a èssere trasferidos in s'ispidale Spallanzani de Roma».
Cun sa foto de Marco Sau chi festat a pustis de su gol suo acò sa nova de su parègiu de sos casteddajos contra a sa Sampdoria (chi fiat binchende 2-0 in su primu tempus).
Sas chistiones regionales a metade de pàgina cun sa Cisl chi pedit unu patu pro sa Re-nàschida e cun su candidadu a sa segreteria Angioni chi narat chi «a su Pd non serbit unu cabu».
Editoriale in pitzu de sa capitale europea de sa cultura, reconnoschimentu otènnidu dae Matera e non dae Casteddu, candidada pro sa Sardigna. Pro Paolo Matta, gasi comente Tàtari cun "li Candareri", Nùgoro cun su Redentore e Sèdilo cun Santu Antine, Casteddu aiat dèvidu punnare a Santu Efìsiu.

Condividi su:

Seguici su Facebook