Samsung at presentadu in sa fiera tecnològica IFA 2014, in Germà nia, su televisore UHD curvu prus mannu de su mundu. Tenet 105 pòddighes. Est unu «bobboti» tecnològicu cun chimbe bias prus definitziones chi no unu televisore Full HD. Tenet unu visore flessìbile, chi si podet fà ghere dae curvu a pranu e su contrà riu.
Cando at a cròmpere a su mercadu, at a tènnere fintzas un’impiantu istèreu, cussu puru curvu, cun una calidade de sonu istraordinà ria.
Mancari siat mannu meda, si podet abbaidare dae curtzu meda sena annotare sos pixel. Bi cheret una pinna de muru manna, custu eja, ma no a mala bògia un’aposentu mannu-mannu pro si pòdere godire custu televisore ispantosu.
Su modellu nou at una risolutzione de 11 milliones de pixel (5.120 x 2.160) e podet adatare a s’UHD cada casta de cuntenutu. B’at unu megà fonu de 106 watt.
Comente est normale, est unu «televisore intelligente» chi si podet connètere a internèt e nos podet dare una cantidade istremenada de cuntenutos in lìnea. B’at chentinas de pellìculas e sèries chi si podent bìdere in sa retza. In prus, chie cheret si podet connètere a Spotify, su servìtziu de riprodutzione de mùsica in streaming.
Sa dita coreana at presentadu à teros 17 televisores curvos. B’at prejos, tecnologias e mannà rias diferentes. Sa sèrie cumpleta at a cròmpere a sos mercados in su mese de trìulas de annoas.
http://www.abc.es/tecnologia/electronica-imagen/20140904/abci-samsung-televisor-curvado-flexible-ifa-berlin-201409041330.html