Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 28/10/2014

Guvernu contra a sindacados. Traballadores contra a guvernu e meres. Sìndigos e Regiones contra a su Guvernu. A in ue s'at a lòmpere?

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

In s'ìnteri chi Renzi narat «non trato cun sos sindacados» (nova chi amus in ambos sos giornales in rassigna), sa tratativa sindacale cun Meridiana no at otènnidu perunu resurtados pro sos 1600 traballadores: «como s'at a mediare petzi pro ridùere sos esùberos. S'azienda diat pòdere galu "sarvare" 278 postos. S'ok finale a sos litzentziamentos est arribadu dae s'Aga Khan». Custu est su cuadru chi nos oferit La Nuova Sardegna in sa prima pàgina de oe. L'Unione Sarda annanghet a sa chistione sas paràulas de sos chi sunt perdende totu custrintos a «artziare sos tonos de sa protesta». Ponende paris sas s'ategiamentu de guvernos e meres bidimus chi sunt sos traballadores ebbia a bi prànghere.
Paret duncas chi, finas a como, non semus totus in intro de una "comunidade de destinu" comente narat Soru chi, a pustis de èssere istadu eletu, intervistadu dae L'Unione, ponet in sa mesa unu muntone de chistiones: «dae sa flota aèrea sarda a sa re-cumpositzione, belle unu programma de guvernu».
E pro abarrare in su fronte regionale acò su comintzu de sa dibata in cussìgiu in pitzu de sa sanidade: «Chimbe Asl pro chimbe distretos. E sa riforma regionale previdet sa "fusione" intre Gaddura e Nùgoro».
In prima pàgina La Nuova ponet su comintzu de su meledu de Tonino Orani, sìndigu de Ìtiri Cannedu: «Su Patu de istabilidade iscàrrigat in subra de sas comunas sas responsabilidade de artziare sas tassas pro pòdere garantire sos servìtzios essentziales pro sa vida de sas comunidades nostras». In sa bidda sua b'at una pesada contra a su livellu artu de impositzione fiscale. «Apo a pònnere -- concruit -- un'istrìscia niedda in sa fàscia tricolore in sas ocasiones ufitziales».
Chi b'apat cuntierras intre s'istadu (a un'ala) e sas regiones e sas comunas (a s'àtera) lu bidimus finas in s'editoriale («Sa lege de in-istabilidade») de Paolo Savona (L'Unione). Est una cuntierra istrana, però, a dae chi a s'ispissu, sìndigos, presidentes de Regione e de su Cussìgiu de sos ministros, sunt de su matessi partidu. A in ue s'at a lòmpere?
A cras.

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK