Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 29/10/2014

Mobilidade aèrea: stop a sa “continuidade 2” e isciòperu de su fàmene contra a sos litzentziamentos. Velenos industriales e militares. Sanidade, abertu s'àidu a sa riforma.

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Sas editziones de oe non nos faghent mancare sas novas dae su fronte de su trasportu aèreu. A un'ala (La Nuova) sa mobilidade: «Aèreos, arreada sa “continuidade 2”. Su ministru, de acordu cun sa Regione, retirat su decretu: stop pro Bologna, Torinu, Verona, Nàpoli. Abertura a sas cumpangias a preju bassu. Deiana: sas risorsas serbint pro sas rotas internatzionales». A s'àtera s'isciòperu de su fàmene de sos traballadores Meridiana (La Nuova) e sas acusas a sa Regione (L'Unione): «A sas protestas de sos traballadores rèplicat s'assessore Massimo Deiana: “non tocat a nois a redatzionare sos pranos industriales de una cumpangia aèrea». In s'ìnteri dae Casteddu annùntziant medidas pro torrare a fàghere traballare «sos veteranos».
Acusas a sa Regione nde leghimus finas in contu de “chìmica birde”: «Sos sindacados a sa Giunta. Matrica: ritardos meda» (La Nuova). Paret chi in Portu Turre abarrent petzi sos velenos mancari chi «su ministeru» si siat costituidu «parte tzivile contra a s'Eni» (La Nuova).
Contra a sos velenos militares comintzat oe su protzessu in Lanusè pro s'incuinamentu in su Sartu de Chirra.
Sanidade, nde faeddant ambos duos sos giornales sardos: diamus èssere cara a s'Azienda de su 118 e sa tzentrale ùnica de sos achistos. Majoria aunida ma paret chi pro unos cantos alleados siat petzi «una còntiga pro protzèdere a su cummissariamentu de sas Asl». Pro L'Unione «su càmbiu de sos dirigentes nominados dae su tzentru-destra at a èssere difatis sa prima cunsighèntzia de s'aprovatzione de su testu». De su nùmeru de sas Asl si nd'at a ocupare sa Giunta.

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK