TIESI.  Comintzant su 25 de abrile sas initziativas organizadas dae su Comitadu 28 de abrile pro “Sa die de sa Pàtria sarda”. A sas 4 de merie, in sa pratza de su Comune, s'at a giogare a murra a sa tiesina “ammentende a Pedru Brancazzu”. S'Asdsc Edu Clown, a sa matessi ora, at a ammaniare imbetzes sos giogos pro sos pitzinnos. Dae sas 8 sa chena e dae sas 9 su cuntzertu de Break J and Barrancrew. S'in cras a mesudie sos mototziclistas s'ant a abojare in su “segundu motoatopu de sa Die de sa Patria” cun sa prtetzipatzione de sos Bardaneris. At a sighire su giru de saludu peri sas biddas de su Meilogu. Dae sas 7 cuntzertu de “Scordati” e a sighire sa chena. Martis su 28 a sas 5.30 in sa Sala Sassu si chistionat de “S'eredidade de sos motos angioyanos”.