TIESI. Chenàbura su 27 de làmpadas a sas 18,30 in sa Sala Sassu de carrera de Garau s'ant a presentare sos traballos a pitzu de sa toponomàstica rurale in su sartu tiesinu. Ant a intervènnere Istèvene Ruiu (curadore de su traballu), Antonella Piredda, Valentina Sanna, Pierpaolo Soro, Luisanna Usai de sa Sovrintendèntzia pro sos benes archeològicos de sas provìntzias de Tàtari e Nùgoro e Angelo Ammirati chi est istadu su Diretore de s'Archìviu de Istadu de Tàtari. "Tancas, funtanas, cunzados e àteros giassos" est organizadu dae sa Pro Loco paris cun sa Comuna de Tiesi e cun su patrotzìniu de s'indùstria Frades Pinna.