SÃŒLIGO.  Dae carchi annu a como Monte Santu est sa meta traditzionale de su lunis de Pasca de sos silighesos. Finamentas ocannu Comuna e Pro Loco ant organizadu sos viàgios in elicòteru pro nche giùghere sa zente finas a su cùcuru pranu de su monte chi caraterizat su Meilogu. In cue subra s'agatat sa cresighedda dedicada a sos santos Elia e Enoch. Pro s'ocasione, a dae chi ocannu ruet su de 950 anniversàrios de sa bènnida de sos benedetinos in Sardigna, sa missa est istada tzelebrada dae su Pìscamu de Tàtari Mussegnore Atzei e acumpangiada dae sa corale Canepa. «Ocannu – at nadu sa presidente de sa Pro Loco Anna Rita Sensolini – est andada mezus de sos annos colados. Semus resèssidos a nche pigare 140 persones. Ma su ringratziamentu mannu andat a sos de su comitadu de S. Elia chi ant imbellidu sa crèsia, ant organizadu s'acollièntzia cun cafè e biscotos, ant ammaniadu su bustu pro sos cantores e nch'ant giutu totu su chi serviat a caddu de s'ainu dae sas bator e mesa de manzanu».

In sa pàgina de sa Pro Loco sas fotografias