BÀNARI. In intro de sas tzelebratziones de “Sa Die de sa Sardigna” e de sas manifestatziones a pitzu de sas figuras protagonistas de s'istòria e de sa cultura sarda, s'amministratzione comunale e sa cooperativa sotziale Ypnos ammàniant pro custu merie (a sas 6 in su Palatu Solinas) unu addòbiu ammentende Juanne Maria Angioy e Gràtzia Deledda. A pustis de sos saludos de s'amministratzione e de s'introduida de Maria Vitòria Porcu de sa cooperativa Ypnos, sos acòrdios vocales de “su Cuncordu banaresu” ant a acumpangiare sa presentada de su traballu chi at bidu protagonistas sos pitzocos de sas iscola mèdias e chi est intituladu “Su tretu de Angioy”. In ultres s'ant a pòdere iscurtare sos contos “de coghina” de Gràtzia Deledda cun sas leturas de unas cantas pàginas de sas òperas suas bortadas in sardu pro s'ocasione. At a èssere presente s'autora de su libru “A tavola con Grazia” Neria De Giovanni, presidente de s'Assòtziu internatzionale de sos crìticos literàrios. In fines sos dischentes de su cursu de “coghina creativa” ant a preparare durches sardos.