TIESI. Su Tag, sa “Truma de Arkeo Guturulugia – Monte Majore”, est ammaniende unu cursu de ispeleologia de primu livellu chi at a comintzare su 26 de freàrgiu. Su cursu est articuladu in letziones teòricas e pràticas pro sa connoschèntzia e sa divulgatzione de su mundu suterràneu. In su cursu s'ant a frunire notziones de base, tècnicas de progressione orizontale e verticale in intro de sas grutas, letziones de geologia, biologia, cartografia e àteru. Sas letziones teòricas s'ant a acumprire in sa sede de su Tag, in carrera de Musio 1. Sas letziones pràticas, imbetzes, in unas cantas cavidades naturales, intre sas prus interessantes de Sardigna.
Sos interessados, intro de su 19 de freàrgiu, s'ant a dèvere indiritzare in sa sede de su Tag su gioja a sas 9 de sero, o mutire a custos duos nùmeros: 348 5285335 (Antonello) e 347 3064267 (Pietro).