ARISTANIS. B'est finas s'indipendentista de Terraba Doddore Meloni intre sos 51 indagados dae sa Procura de Brescia pro s'inchesta chi at giutu a s'arrestu de 24 setzessionistas vènetos. A lu rivelare est istadu su matessi Meloni. In domo sua, custu mangianu a sas 5, est istada fatu unu cumpudu durante sa cale sunt istados secuestrados elaboradores e telefoneddos. In sas ordinàntzias de custòdia preventiva, emìtidas dae su Gip, sunt cuntestados sos reatos de assòtziu cun finalidade de terrorismu e eversione. (ANSA). Felice Pani, imbetzes, cummertziante de frùtora e birdura, est s'ùnicu sardu arrestadu intre sos 24. In s'istiu de su 2008 artzieit a sos onores de sa crònaca pro sa partetzipatzione a s'ocupatzione de s'ìsula de Malu Entu ordingiada dae s'indipendentista Doddore Meloni, divènnidu a pustis “ministru” de s'Agricultura de s'autoproclamada Repùblica indipendente. (ANSA)