TERRANOA. Novidades de importu pro sa tzirculatzione istradale in Gaddura, a pustis de sos dannos cajonados dae s'alluvione. Sunt istados abertos a su tràficu sos duos isvìnculos chi collegant s'Istatale 131 Dcn cun s'istrada provintziale 24. Sas duas òperas acumpridas dae s'Anas torrant a collegare Terranoa cun Lòiri e cun sos àteros comunes internos de sa provìntzia gadduresa e cunsentint de ripristinare sa tzirculatzione firmada pro more de sa ruta de su ponte Loddone, semper in sa provintziale 24. (ANSA)