Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 04/11/2014

10 mìgia èuros isrobbados in Aidumajore. Campari tzedet Zedda Piras e Sella&Mosca. Alleàntzia traballadores Meridiana e minadores in Lùvula

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Oe sunt tres sas primas pàginas chi amus in suta de ogros. Ca L'Unione sarda nos at ammaniadu una sorpresa: sa prima pàgina traditzionale (e gasi at a èssere pro àteros sete martis) est covacada dae un'àtera cun a maduru unu de sos Gigantes de Mont'e Prama. Un'insertu ispetziale, ma no in intro de su giornale. E tando tocat de l'isfogiare pro bìdere sas crònacas de oe.
E b'agatamus sa fura in sas postas de Aidumajore: «Bator isrobadores bestidos a nieddu e cugugiados in conca ant fatu ostàgiu unos cantos passantes e tres operajos de unu cantieri serente». Furados 10 mìgia èuros.
In artu s'isport: «Su Casteddu si nd'ischidat a tardu». Resurtadu: 4-2 pro sa Lazio.
A metade de pàgina s'economia: «Mancat sa cunfirma ufitziale ebbia, ma su grupu Campari tzedet Zedda Piras e Sella&Mosca, duas marcas istòricas sardas (nat-chi non sunt istratègicos), achistados in su mese de freàrgiu de su 2002 pro mancu de 100 milliones de èuros».
In s'editoriale Renzi e su ministru "novu", una crìtica a su sèberu de Gentiloni, un'òmine de sa polìtica betza chi non praghiat a su sìndigu de Firentze.
La Nuova aberit cun sa cumbata de sos traballadores e cun s'«alleàntzia in miniera»: «In Lùvula s'abratzu in una galleria a 80 metros in suta intre traballadores Meridiana e minadores: duas protestas aunidas. Oe in Casteddu addòbiu intre cumpangia aèrea e sindacados cun s'assessore Deiana».
De importu, in artu, sa nova in pitzu de sa Corte de sos Contos chi narat chi «sas sotziedades partetzipadas costant a sa Regione 330 milliones a s'annu».

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK