Rimani sempre aggiornato sulle notizie di meilogunotizie.net
Diventa nostro Fan su Facebook!
Spazio Aperto è uno spazio offerto alla città, alle associazioni, agli enti, a quanti intendono partecipare alla vita sociale e culturale del territorio. Scopri di più.

Primas pàginas: 05/11/2014

Fogos, tzerachias e sanidade

| di Mauro Piredda
| Categoria: Attualità | Articolo pubblicato in Spazio Aperto
STAMPA
printpreview

Mancari chi sas novas in pitzu de sos fogos siant tìpicas de sas editziones istadiales de sos giornales sardos, acò chi La Nuova Sardegna aberit contende·nos sa timòria de sas populatziones de Òsile: «framas ispintas dae su bentu, fronte de 30 chilòmetros dae Bonorva conca a Tàtari. Fogos cajonados dae sos abbrusiamentos. Allarme finas in s'oristanesu. In Tèmpiu su fogu minetzat da presone». L'Unione ponet in evidèntzia sa serrada de sa 131: «fogu finas in Àrthana, firmos sos trenos in Òschiri». Pro su restu àteras duas novas regionales dòminant sas primas pàginas de oe. In contu de tzerachias militare «Pigliaru como disafiat su ministru». La Nuova nos contat chi su Presidente de sa Regione at presentadu unu recursu «contra a s'impositzione pro àteros chime annos de sa tzerachia in sa “Guardia del moro” in sa Madalena». «Nono a s'apaltu de 25 milliones» est imbetzes su tìtulu de L'Unione: «Est belle unu commissariamentu: sa Giunta regionale at arreadu s'Asl de Casteddu chi aiat ammaniadu un'apaltu chi colaiat sos 25 milliones pro unu servìtziu amministrativu giuigadu “netzessàriu e urgente”. Traballu afidadu a una sotziedade esterna chi si fiat dèvida ocupare de assùmere e gestire su personale»

Mauro Piredda

Contatti

redazione@meilogunotizie.net
mob. 389.8213416
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK