TIESI. Sàpadu su 18 de abrile, a sas 5 de merie in sa sala Aligi Sassu in Tiesi s'at a faeddare de ocupatzione militare in s'aboju ammaniadu dae su grupu tiesinu de su Fronte indipendentista unidu. Pro sos militantes de su Fiu est petzi su primu eventu «intre sos chi amus a organizare in ogni ala de Sardigna». «Amus a fàghere bìdere unu filmadu - gasi sos de su Fiu - in subra de sa chistione e nd'amus a faeddare cun Cesare Contu, unu militante de sos nostros preparadu in subra de s'argumentu, e cun Gianfranco Sollai, membru de su comitadu “Su Jassu”, dae semper interessadu a s'istòria de su polìgonu de Chirra e fina avocadu de parte tzivile in su protzessu».