Cun sa publicatzione in su Buras de su decretu de cunvocatzione de sos comìtzios eletorales (giai firmadu su 28 de nadale) est comintzada oe sa campagna pro sas eletziones regionales chi s'ant a tènnere su 16 de freàrgiu de ocannu. Acò sas iscadèntzias.
Dae sas 8 de mangianu de domìniga su 5 a sas 8 de sero de s'incras sos partidos e sos movimentos ant a dèvere depositare su sìmbulu issoro in sa Corte de Apellu de Casteddu.
Dae sas 8 de mangianu de domìniga su 12 a sas 8 de sero de s'incras, imbetzes, ant a dèvere èssere presentadas sas listas (paris a sas firmas netzessàrias) cun su collegamentu a su candidadu presidente.
Sos candidados a guvernadore, in fines, ant a dèvere presentare sa candidadura issoro e su programma polìticu intro de mesudie de mèrcuris su 15 de ghennàrgiu.
Finas a como sos candidados sunt:
Ugo Cappellacci (Tzentru destra)
Michela Murga (Sardegna Possibile)
Mauro Pili (Coalizione del popolo sardo)
Predu Frantziscu Devias (Fronte unidu indipendentista)
Cristina Puddu (Meris)
Galu non s'ischit chie at a ghiare su Tzentru manca e su M5S.
Àteros artìculos