Partecipa a MeiloguNotizie.net

Sei già registrato?

Accedi con e-mail e password

Poesias | Alas de seda, di Franco Piga (Romana)

Prima classificata nella sezione "Antonio Sanna" della 57ma edizione del "Premio Ozieri"

Condividi su:

In notes de serenu,
muda che lughe ’e luna
benis cun alas de seda e amore,
intretzinde calore,
isperas de fortuna
juntas de passione e assulenu.

T’ispozas e m’ispozas
in padros e marinas
tzedinde sa nudesa a sos disizos,
e nuscos, fiorizos
in custas currentinas
de pensares, chi lena-lena isfozas.

Mi trazas e m’ispinghes,
carena chentza pesu
vagabundu in aèras de sentidos,
in bolos atrividos
chi su coro an tratesu
e ch’in s’amore tue mi custringhes.

Amante, ch’in dulcura
m’abbratzas e carignas
istudendemi dudas e timoria,
cùmpidas sa memoria
e sa mente cunsignas
in manos de lugore e diligura.

Falfaruzas de vida
mi paren sas istellas
chi m’iden e saludan, palpitende,
e su ’entu passende
tzedit bisos e prellas
chi s’anima s’arribat assuprida.

Como chi s’est pesadu,
su sole mi presentas
e sa die aparitzas geniosa,
ca lughet ogni cosa
chi tocas e sustentas
Poesia ch’in megus as bizadu.
 

 

Condividi su:

Seguici su Facebook