TIESI. Comintzat oe su “Carrasegare in bidda” ordingiadu dae sa Pro Loco. A sa una, in sa sede de s'assòtziu, Fae e lardu. A sas deghe de note su mastru Ayonis Lazaro at a ghiare una serada de ballos latino-americanos. Domìniga su 15, dae sas tres de borta de die a probe de sas iscolas elementares, ant a mòvere sos carros (pro s'ammàniu issoro b'at àpidu unu contributu dae sa Comuna) e sas caratzas. A sighire (in sa sede de sa Pro Loco) ballos, mùsica e catas pro totus cantos.